Қазақ рэпіндегі ең ауқымды шара – 8 Ресми Қазақ Хип-Хоп баттл өз мәресіне жетті. Аталмыш баттл арқылы Қазақ МСлерінің 99 пайызы халыққа танылып қана қоймай, сонымен қатар тыңдарманның сүйікті орындаушыларына айналды десек артық айтпаймыз. Осы баттл арқасында Smitty, ReeGa, Domalak, Xattab, RIDO, T1lek, MC Ali, Zhako Xaus, Әскербек, Саддам және т.б. орындаушылар әмбеге танымал болып елдің махаббатына ие болды. Кейбірі тіпті лейбл артисті атанып жатты. Ескере кететін жәйт, жоғарыда көрсетілген орындаушылар тізіміндегілердің бәрі баттл жеңімпаздары емес. Яғни қатысушыға тек берген тақырыпты жақсы ашып, жақсы ән тапсырып тыңдарманның көзіне түсіп жүрегіне жол тапса, өте сәтті танымал рэпер болып кетуі ғажап емес.
Сонымен, 8 Ресми Қазақ Хип-Хоп баттлының нәтижесін жариялаймыз! Мыңғырған қатысушылардың арасын Құндыз-ай атты қарындасымыз басып озды! Бұл Қазақстан Рэпі тарихындағы Ұлы Оқиға! Қазақ рэпіндегі ең үлкен баттлдың жеңімпазы – нәзікжанды әсем ару Құндыз-ай! Құттықтаймыз!
1 орын – Құндыз-ай
2 орын – PLUTO
3 орын – ERI4 және БірМС
«Тыңдармандар көзайымы» жүлдесін Дәурен а.к.а Round атты МС жеңіп алды.
Жүлделер:
1 орын – Альбом шығаруға жәрдем беру немесе лейбл Топ-артисттерімен бірлесіп ән жазып, сол әнге бейнеклип түсіру. Кең ауқымды промоушн. Тегін.
2 орын – лейбл Суб-артисттерімен бірлесіп ән жазып, сол әнге бейнеклип түсіру. Тегін.
3 орын – Суб-артисттерімен бірлесіп ән жазу.
Сонымен қатар «Тыңдармандар көзайымы» атты жүлде.
Әділ-қазылар баттлда көрінген бірақ жүлделі орынға ілікпеген топтарды таңдап тыңдармандар арасында сауалнама жүргізеді. Тыңдармандар тарапынан ең көп дауыс жинаған топ «Тыңдармандар көзайымы» жүлдесін алады.
«Тыңдармандар көзайымы» жүлдесін алған топ лейбл топ-артисттерімен бірлесіп ән жазу мүмкіндігіне ие болады. Ол ән лейбл сайтына шығады, яғни лейбл «Тыңдармандар көзайымы» жүлдесін алған топқа тегін промоушн жасап береді.
Құрметті жеңімпаздар, лейбл әкімшілігіне хабарласуды ұмытпаңыздар!
